ލިޔުނީ އަޙްމަދު ޢާޞިމް/ ހއ.އިހަވަންދޫ އުންމީދު
މަންފައާއި އަދި ގެއްލުން ވެސް މެދުވެރިކުރައްވަނީ ހަމައެކަނި ﷲ ކަމާއި އަދި ޙަރާމްކުރައްވައި ޙަލާލްކުރެއްވުން ވަނީ ﷲ ވަނީ ﷲ އަށް ކަމާއި ހިފެހެއްޓުމެއް ނެތް ލޯބިވުމާއި ހިފެހެއްޓުމެއް ނެތް ބިރުގަތުމާއި ހިފެހެއްޓުމެއް ނެތް ކިޔަމަންގަންނަން ޖެހެނީ ހަމައެކަނި ﷲ އަށް ކަމަށް އީމާންވާ ހިތެއްވިއްޔާ އޮންނާނީ އެކަލާނގެ މަތިވެރިކުރުމުން ފުރިފައެވެ. އޭނާއަށް ﷲ އަކްބަރު ގެ މާނަ އިޙްސާސްވެ ޝުޢޫރުވާނެއެވެ. މިހިނދު ﷲ ފިޔަވާ ދުނިޔޭގައިވާ ކޮންމެ އެއްޗަކީ، އޭނާގެ ކުރިމަތީގައި ކުޑަ ކުޑަ އެއްޗަކަށް ވެދެއެވެ. ދުޢާކުރުމާއި، ނަމާދުކުރުމާއި، ރުކޫކުރުމާއި، ސަޖިދަޖެހުމާއި، ނަދުރުބުނުމާއި، ކަތިލުމާއި، ތަސްބީޙާއާއި ތަޙްލީލު ކިއުން ފަދަ، އިންސާނުންގެ ބައެއް އަމަލުތަކަކީ، އެކަންތައް ކުރެވޭ ފަރާތެއް ހިފެހެއްޓުމެއް ނެތް ގޮތުގައި މަތިވެރިކުރުމަށް، ކުރާ ކަންތަކެކެވެ. ވީމާ މިފަދަ ކަމެއް ﷲ ނޫން ފަރާތަކަށް، މުއުމިނަކު ކޮށްގެން ނުވާނެއެވެ.
މާތްﷲ ރުއްސުން ލެއްވި ހުޛައިފާގެ ފާނުގެ ކިބައިން ވާރިދުވެގެންނެއެވެ. ރަސޫލުﷲ صلى الله عليه وسلم ޙަދީޘް ކުރެއްވިއެވެ. "ﷲގެ ޙަޟުރަތުގައި އެންމެ ލޯބިކަން ބޮޑުވެގެންވާ ހާލަތެއް ގައިވާ އަޅާގެ ހާލަތަކީ އެކަލާނގެއަށް ސަޖިދަކޮށް މޫނު ހިރަފުހުން ހުދުވެފައިވާ ހާލަތެވެ."
ބަރާބަރަށް ފަރުޟު ފަސް ނާމާދުކުރުމުގެ އިތުރުން ބަރާބަރަށް ޒަކާތް ދިނުމާއި ރޯދަ ހިފުން އަދި ކުޅަދާނަވެގެންވާ މީހާ ހައްޖުވުމަކީ ﷲއަށް ލޯބިވާކަން އަންގާދޭ އަޅުކަންތަކެވެ. މިގޮތުން ރޯދަޔާއި ހައްޖާބެހޭގޮތުން ދީނީނިއުސްޑޮޓްކޮމް އިންނަގާފައިވާ ލިޔުންކޮޅެއް މިތާ ޝާއިރު ކޮށްލާނަމެވެ. ( އެހެނިހެން އަޅުކަންތަކާ އަޅާބަލާއިރު ރޯދައަކީ ވަރަށް ތަފާތު އަޅުކަމެކެވެ. ރޯދަފިޔަވައި އެހެން ހުރިހާ އަޅުކަމެއްވެސް އަދާ ކުރެވެނީ ޢަމަލަކުންނެވެ. ނަމަވެސް ރޯދައަށް ހުރުމަކީ ވަކި ކަންތައްތަކެއް ނުކޮށް ދޫކޮށްލައިގެން ހުންނަ ހުރުމެކެވެ. ތިމާ ހުރީ ރޯދައަށޭ ބުނެ ސިއްރުން ކައިބޮއި ހެދިކަމުގައި ވިޔަސް ދެންތިބޭ މީހުންނަށް އެކަން އޮންނާނީ ވަންހަނާ ވެފައެވެ. ނަމަވެސް ރޯދަވެރިޔާ ކެއުމާއި ބުއިން އަދި އެނޫންވެސް ރޯދަގެއްލޭ އެންމެހާ ކަންތައްތަކުން ދުރުހެލިވެ ހުންނަނީ ﷲ ގެ ރުއްސަވާ ވޮޑިގަތުން ލިބުމަށެވެ. ރޯދަވެރިޔާއަށް ވަކި ޚާއްޞަ ދަރުމައަކާއި ޘަވާބެއް ދެއްވުމަށް މާތް ﷲ ވަޢުދު ކުރައްވާފައިވަނީ އެހެންވެއެވެ.
މިގޮތުން ހައްޖުމަހު އަދާކުރެވޭ އެންމެ މަތިވެރި އެއް އަޅުކަމަކީ ޙައްޖުގެ އަޅުކަމެވެ. ޙައްޖުގެ މަތިވެރިކަމާއި ބެހޭގޮތުން ރަސޫލު ﷲ ޞައްލަﷲ ޢަލައިހި ވަސައްލަމް ޙަދީޘްފުޅު ކުރައްވާފައިވެއެވެ. "މަބްރޫރު ޙައްޖަކަށް ސުވަރުގެ ފިޔަވައި އެހެން އެއްވެސް ޖަޒާއެއް ނުވެއެވެ".
No comments:
Post a Comment