އަބޫބަކުރުގެ ފާނުން ވަޑައިގެން ރަސޫﷲގެފާނުންގެ ގައިކޮޅުނިވާ ކޮށްފައިވާ ސާލުކޮޅު ނަންގަވާ އިތުރު ސާހިބާގެ ނިތްކުރިފުޅުގައި ބޮސްދެއްވުމަށްފަހު އައިޝަތުގެފާނުގެ ގަނޑުވަރުން ނިކުންނަވިއިރު އުމަރުގެ ފާނުން، މިސްކިތުގައި ތަޤުރީރު ކުރައްވަނީއެވެ. ރަސޫލުﷲ ޞައްލަﷲ ޢަލައިހި ވަސައްލަމަ ސުވަރުގެ ވަޑައިގެންފިކަމުގައި ބުނެފި މީހަކު ޤަތުލު ކުރައްވާނެކަމުގައި ވިދާޅުވަނީއެވެ.
އަބޫބަކުރުގެފާނުން މިސްކިތައް އަރާވަޑައިގެން
ޢުމަރުގެފާނުގެ ވާހަކަފުޅު ހުއްޓުވޭތޯ ބެލިއެވެ. ނަމަވެސް ޢުމަރުގެފާނުންގެ ވާހަކަފުޅު ހުއްޓުވައެއް ނުލެއްވިއެވެ. އެހެންކަމުން އަބޫބަކުރުގެ ފާނުން އެއްފަރާތަކަށް ޖެހިވަޑައިގެން ވާހަކަދައްކަވާން ފެއްޓެވިއެވެ.
ޢުމަރުގެފާނުގެ ވާހަކަފުޅު ހުއްޓުވޭތޯ ބެލިއެވެ. ނަމަވެސް ޢުމަރުގެފާނުންގެ ވާހަކަފުޅު ހުއްޓުވައެއް ނުލެއްވިއެވެ. އެހެންކަމުން އަބޫބަކުރުގެ ފާނުން އެއްފަރާތަކަށް ޖެހިވަޑައިގެން ވާހަކަދައްކަވާން ފެއްޓެވިއެވެ.
އެކަލޭގެ ފާނުން ވިދާޅުވިއެވެ. "މުޙައްމަދުގެފާނަށް އަޅުކަންކުރާމީހާ ދަންނާށެވެ! ހަމަކަށަވަރުން އެކަލޭގެފާނުން އަވަހާރަވެއްޖެއެވެ. މާތް ﷲ އަށް އަޅުކަން ކުރާމީހާ ދަންނާށެވެ. ހަމަކަށަވަރުން އެކަލާނގެއީ ދާއިމަށް ދިރިދެމި ވޮޑިގެންވާ ރަސްކަލާނގެއެވެ. އެކަލާނގެ ރަސްކަންފުޅަށް އަވަހާރަވުމެއް ނުވެއެވެ."
އިތުރު ޞާހިބާ ސުވަރުގެ ވަޑައިގެންފިކަމުގެ ހިތި ހަޤީގަތް ގަބޫލުކުރުމުގެ ބާރު މިއުންމަތަށް ހޯއްދެވީ އަބޫބަކުރު ގެފާނުންގެ ވާހަކަ ފުޅުންނެވެ.
ޚަލީފާކަން ލިބިވަޑައިގަތުން:
v ކީރިތިރަސޫލާ (صلى الله عليه وسلّم) ސުވަރުގެ ވަޑައިގަތީ ޚަލީފާ އަކު އައްޔަން ކުރައްވާފައެއްނޫނެވެ. އެހެންކަމުން މުސްލިމުންނަށް ދޭހަވި ވެރިއަކު އައްޔަންކުރައްވަންވީ އެބޭފުޅުންގެ ތެރެއިން މަޝްވަރާ ކުރައްވަވައިގެން ކަމަށެވެ.
v އަންޞާރުން މަސައްކަތް ކުރެއވެވީ މަދީނާގެ ބޭފުޅަކު އައްޔަން ކުރެއްވެވުމަށެވެ.
v ޚަލީފާއަކަށް އިސްކުރައްވާނޭ ބޭފުޅަކާއިމެދު މީސްތަކުންގެ މެދުގައި ދެބަސްވުން ހިނގަނިކޮށް އެތަނަށް އަބޫބަކުރުގެފާނާއި އުމަރުގެފާނު ވަޑާއިގެން އިޚުތިލާފު ނުވުމަށް ނަޞޭހަތްތެރިވެ ވަޑައިގަތެވެ.
v ޢުމަރުގެފާނާއި ޢަބޫބަކުރުގެފާނުގެ ވާހަކަފުޅަށްފަހު އެކިއެކި އަސްޙާބުބޭކަލުންގެ ވާހަކަފުޅުތަކުން ޚަލީފާއަކު ހޮވުމުގައި ވިސްނަންވީ ހަމަތައް ބަޔާންވެގެން ދިޔައެވެ.
No comments:
Post a Comment