ﷲ އަށް އޮންނަންޖެހޭ ލޯބި ފުރިހަމައަށް އަދާކުރުމުގެ ނަތީޖާ

މުސްލިމު އަޅާގެ ތަޤުވާވެރިވުމާއި އީމާންތެރިކަމާއި ﷲ އަށް ލޯބިކުރުމާއި އެކަލާނގެ ނަހީކުރެއްވި ކަންތައްތަކާ ދުރުވެހުރުމާއެކު އެފަދަކަންކަމަށް ދެކޮޅުހެދުމާއި ހެއްދެވި ފަރާތަށް ކިޔަމަންތެރިކަން އަދާކުރުމުގެ ސަބަބުން އޭނާ ﷲގެ ވަލީވެރިޔަކަށް ވެދެއެވެ. މާތްﷲ ރުއްސުންލެއްވި އަބޫހުރައިރާ ކީރިތި ރަސޫލާގެ އަރިހުން ރިވާކުރެއްވި ޤުދުސިއްޔަ ޙަދީޘެއްގެ މާނައިގައި ވެއެވެ. " މާތްﷲ ވަހީކުރެއްވިއެވެ. ތިމަންﷲގެ އަޅާ އޭނާގެ މައްޗަށް ފަރުޟުކުރައްވާފައިވާ ކަންތައްތައް އަދާކުރާ މިންވަރަކުން ތިމަންﷲ އޭނާއާއި ކުއްތަންވަމެވެ. އަދި ތިމަންﷲގެ އަޅާ ނަފުލު އަޅުކަނތައް ( ސުންނަތްތައް ) ކުރަމުންދިޔަވަރަކުން އޭނާ ތިމަންﷲގެ ރުހިވޮޑިގަތުން ލިބިއްޖައުމަށް ދާންދެން އޭނާ ތިމަންﷲއާ ކައިރިވަމުންދެއެވެ. ފަހެ ތިމަންﷲގެ ރުހިވަޑިގަތުން އޭނާއަށް ލިބުމުން އޭނާގެ އަޑުއެހުމާއި، އޭނާގެ ބެލުމާއި އޭނާއެއްޗެއްގައިހިފުމާއި އަދި އޭނާހިނގާ ހިނގުންވަނީ ތިމަންﷲއާ އެކުގައެވެ." މާތްﷲ ވަޙީ ކުރެއްވިއެވެ.       ( ގުރޭޑު 11 ގެ އިސްލާމް ފޮތުގެ60-61)

މާތްﷲ އަލްބަޤަރާ ސޫރަތުގެ 7 ވަނަ އާޔަތުގެ މާނާގައިވެއެވެ. " އަދި އީމާންވެ ޞާލިޙު އަމަލުތައްކުޅަ މީހުން އެއީ ސުވަރުގޭގެ އަހުލުވެރިންނެވެ. އެއުރެން، އެ ސުވަރުގޭގައި އަބަދަށް ދެމިތިބޭނެއެވެ." މާތް ނަބިއްޔާގެ ޙަދީޘެއްގެ މާނައިގައިވެއެވެ. ﷲގެ ވަޖުހުފުޅުއަދައިގެން މީހަކު ޢިލްމުއުނގެނުމުގެ މަގުގައި ހިނގައިފިނަމަ، (އެބަހީ: ހަމައެކަނި ﷲގެ ރުއްސެވުންއެދިގެން ޢިލްމުއުނގެނި، އެއާއެއްގޮތަށް ޢަމަލުކޮށްފިނަމަ) އޭގެސަބަބުން އެމީހާއަށް ސުވަރުގެޔަށްދެވޭނެމަގެއް އެކަލާނގެ ތަނަވަސްކޮށްދެއްވާ ހުއްޓެވެ!"ރަވާހު މުސްލިމް އަދިވެސް ޙަދީޘް ކުރެއްވިއެވެ. "ނަމާދުކުރުމަށްޓަކައި ގޮސްވާމީހާ (ދަންނާދެވެ!) އޭނާ މިސްކިތައް ގޮސްއައިސްވާ ކޮންމެ ފަހަރަކު އޭނާއަށްޓަކައި ސުވަރުގޭގައި ﷲ ގެއެއް ބިނާކޮށްދެއްވާ ނެތެވެ.( ސުވަރުގެ ލިބިގަންނަން އަވަސްވާނީ ކާކުހެއްޔެވެ؟މިފޮތުގެ 84-85-86)

އެހެންކަމުން އަޅުގަނޑުމެންގެ ކޮންމެ މުސްލިމަކުވެސް ވީ ﷲ އަށް އޮންނަން ޖެހޭ ލޯބި ފުރިހަމަ ގޮތުގައި އަދާކުރުވޭ ތޯބާށެވެ. އެންމެ ފުރިހަމަ ގޮތުގައި އެ ލޯބިއަދާ ކުރެވޭނީ ފުރިހަމަ މުސްލިމަށްވެގެންނެވެ. ﷲ ފަރުޟުކުރެއްވި ހުރިހާ އަޅުކަމުގެ އިތުރުން ނަފުލު އަޅުކަންތައް ގިނަކޮށް ﷲގެ ވަޖުހުފުޅު އެދި ހުރެ ހެޔޮޢަމަލުތައް ކޮށްގެންނެވެ. އޭރުން އެފަދަ މުސްލިމުންނަށް ﷲގެ ރުހިވޮޑިގަތުން ލިބި ސުވަރުގޭގެ މަތިވެރި ނުޢުމަތް ލިބުމުގެ ފުރުޞަތު ލިބޭނެއެވެ. މާތް ﷲ އެނުޢުމަތް އަޅުގަނޑުމެންގެ ހާއްޞަކޮށް ހުރިހާ ދިވެހިންނަށް ދެއްވާނދެއެވެ. އާމީން!