ކީރިތި ރަސޫލާ ރަސޫލުކަމާގެން ފޮނުއްވުމަށްފަހު 3 އަހަރުވަންދެން އެކަލޭގެފާނު ދީނަށް ގޮވައިލައްވާ އުޅުއްވީ ސިއްރިޔާތުގައެވެ. ނަމަވެސް އިތުރު ޞާހިބާ އެކަލޭގެފާނުގެ ހާއްޞަ އެކުވެރިއެއް ކަމުގައިވާ أبو بكر ރަޟިޔަﷲ އަންހަށް އެންމެ ފުރަތަމަކޮޅުގައި އިސްލާމްދީނަށް ވަދެވަޑައިގަތުމުގެ މަތިވެރި ޝަރަފު ދެއްވިއެވެ.
އިސްލާމްދީނަށް ގޮވާލެއްވުނު ގޮވާލެއްވުމުން ފަސްޖެހި ވަޑައިގަތުމެއްނެތި އަބޫބަކުރުގެފާނު އިސްލާމްދީން ޤަބޫލު ކުރެއްވިއެވެ. އެހެންކަމުން ބޮޑެތި ފިރިހެނުންގެ ތެރެއިން އެންމެ ފުރަތަމަ އިސްލާމްވެ ވަޑައިގަތުމުގެ މާތްކަން ލިބުނީ أبو بكر ށެވެ.
އެކަލޭގެފާނުން އިސްލާމްދީން ޤަބޫލްކުރެއް ވުމަށް މަޤުފަހިވި ސަބަބުތައް:
Ø ކީރިތިރާސޫލާ (صلى الله عليه وسلّم) އާއި އެއްއުމުރެއްގެ ބޭފުޅަކަށްވެފައި އެކުގައި އުޅުއްވުމުގެ ފުރުޞަތު ލިބިލެއްވުން.
Ø ދެބޭފުޅުންގެ މެދުގައި ގާތްއެކުވެރި (ރަޙުމަތްތެރި) ކަމެއް އޮތުމާއި ދެބޭފުޅުންގެ މިޒާޖުގައި އެއްގޮތްވުން.
ﷲ ވަތަޢަލާ އެކަލާނގެ ރަސޫލާ މުޙައްމަދު صلى الله عليه وسلّم އަށް މައްކާ ދޫކުރައްވައި މަދީނާއަށް ހިޖުރަ ކުރެއްވުމަށް އިޛުނަ ދެއްވިއެވެ. އެހިނދު ކީރިތި ރަސޫލާ އެކަލޭގެފާނުގެ އަޞްޙާބުންނަށް މަދީނާ އަށް ހިޖުރަ ކުރެއްވުމަށް އަމުރު ކުރެއްވި އެވެ. އަދި أبو بكر ފާނު ވެސް ކީރިތި ރަސޫލާގެ އަރިހުން މައްކާއަށް ހިޖުރަ ކުރެއްވުމަށް އެދި ވަޑައިގަތެވެ. އެހިނދު އަބޫ ބަކުރުގެ ފާނަށް ކީރިތި ރަސޫލާ ހަދީޘް ކުރައްވިއެވެ."އެކަލާނގެ ތިބާއާއެކު ވަޑައިގަންނަވާނޭ ބައިވެރިއަކު ކަނޑައަޅުއްވަންދެން އަވަސްވެ ވަޑައި ނުގެން މަޑު ކުރައްވާށެވެ." މިފަދައިންނެވެ.
މައްކާގެ މުޝްރިކުން ރަސޫލާ އަވަހާރަކޮށްލެވުމަށް ރޭވި ރޭއްވެވުން، މާތްﷲ ޞުބުހާނަހޫ ވަތަޢަލާ ޖިބުރީލުގެ ފާނުން މެދުވެރި ކުރައްވާ ކީރިތި ރަސޫލާއަށް އެންގެވިއެވެ. އަދި އެރޭ ހިޖުރައަށް ނިކުމެ ވަޑައިގަތުމަށް އަމުރު ކުރެއްވި އެވެ. އަދި ކީރިތި ރަސޫލާގެ ގެކޮޅުން ނިކުމެ ވަޑައިގެންނެވި އެވެ. އެއަށްފަހު ކީރިތި ރަސޫލާ އަބޫ ބަކުރުގެ ފާނުގެ ގެކޮޅަށް ވަޑައިގެންނެވި އެވެ. އަބޫ ބަކުރުގެ ފާނު އަވަހާރަފުޅު ލައްޕަވާފައި ވަނިކޮށް ހޭލައްވައި، ހިޖުރައަށް ނިކުމެ ވަޑައިގަތުމަށް މާތްﷲ އަމުރު ކުރައްވައިފި ކަމުގެ ޚަބަރު އަބޫބަކުރުގެ ފާނަށް ދެއްވި އެވެ.
ދެން ކީރިތި ރަސޫލާއާއި އަބޫބަކުރުގެ ފާނު ހިޖުރައަށް ނިކުމެ ވަޑައިގެން ޘައުރު ފަރުބަދައިގެ ހޮހަޅައިގައި ފިލާ ވަޑައިގެން 3 ދުވަސް ވަންދެން ތިއްބެވުމަށްފަހު ނިކުމެ ވަޑައިގެން ހިޖުރައިގެ ދަތުރު ކުރިއަށް ގެންދިއުމަށް ފެއްޓެވި އެވެ. މަދީނާއަށް ދަތުރުކުރާނޭ މަގު އަބޫބަކުރުގެ ފާނަށް އެގިވަޑައި ގަންނަވައެވެ. މަދީނާއަށް ހިޖުރައަށް ވަޑައިގެންނެވި މަގުމަތީގައި ތަފާތު މީހުންނާއި ބައްދަލުވެ ވަޑައިގަތެވެ. ބައެއް މީހުން އަބޫބަކުރުގެފާނުގެ އަރިހުގައި ހުންނެވި ބޭފުޅާ އާއި ބެހޭގޮތުން ސުވާލު ކުރިއެވެ. އެހިނދު އަބޫ ބަކުރުގެ ފާނު ވިދާޅުވެފައިވަނީ އެއީ ހިދާޔަތުގެ މަގަށް ގޮވާލާ މީހާ އެވެ.
No comments:
Post a Comment