އެންމެ ބޮޑު އަދި އެންމެ މުހިންމު މަޤްޞަދަކީ މުދައްރިސަކަށްވުމެވެ. އަދި އެއީ އަހަރެން ޙާޞިލް ކުރަން ބޭނުންވާ ލަނޑުދަނޑިއެކެވެ. އަހަރެންގެ އަމާޒަކީ އެހެންމީހުންނަށް ކިޔަވާދީގެން ދިރިއުޅުން ތަޖުރިބާކޮށްލުމެވެ. އެހެންނަމަވެސް އަހަރެންނަކީ ރިލީފްޓީޗަރެއްގެ ގޮތުގައި ނުވަތަ ދަރިވަރުން ފޫހިވާ މުދައްރިސެއްގެ ގޮތުގައި ހުންނާކަށް ބޭނުމެއް ނޫނެވެ.
ބޭނުންވަނީ ރަނގަޅު މޮޅު މުދައްރިސަކަށް ވާށެވެ. އެހެންކަށްވާނަމަ ދެން އުފެދޭ ސުވާލަކީ ރަގަޅު މޮޅު މުދައްރިސަކަށް އަހަރެންނަށް ވެވޭނީ ކިހިނެއް ހެއެޔެވެ؟
އަހަރެމެން ކޮންމެ މީހަކަށްވެސް ރަނގަޅު މޮޅު މުދައްރިސެއްފެނުމުން އެނގެއެވެ. ހަމައެބީދައިން މުދައްރިސެއްގެ ޝަހުސިއްޔަތު ނެތް ގޯސް މުދައްރިސުން ފެނުމުންވެސް އެނގެއެވެ. އަހަރެންގެ ބައެއް މުދައްރިސުންނާ ދޭތެރޭ ވިސްނާލާއިރު، އެމުދައްރިސުންނާމެދު ޙާއްޞަ ޤަދަރެއް ބެހެއްޓޭކަން ފާހަގަކުރެވެއެވެ. ސަބަބުތަކެއް ނެތިއެއް ނޫނެވެ. ސަބަބަކީ އެލޮބުވެތި މުދައްރިސުންގެ ކިބައިގައި އަންނަނިވި ސަބަބުތައް ހުރީމައެވެ.
1. ޖެހިލުންކުޑަކަމާއި އަޒުމުވަރުގަދަކަން (confidence)
އަހަރެންގެ މަޢުލޫމާތު ކުށްކަމުގައި ނުވާނަމަ، އަލަށް ކިޔަވާދިނުމަށް ނިކުންނަ މުދައްރިސުން ނުވަތަ ޒުވާން މުދައްރިސުން ކިޔަވާދެއްވަމުންދާ ވަގުތުތަކުގައި ނާވާސްކަން ހުރުންނަކަން ފާހަގަކުރެވއެވެ. ކިޔަވާދޭއިރު ލަދުން ހުރެގެން ބައެއް މުދައްރިސުން ކިޔަވާދެއްވައެވެ. ނަތީޖާއެއްގެ ގޮތުން ފިލާވަޅު ނަންގަވާ ދޭންޖެހޭ ވަރަށް ފިލާވަޅު ނިންމާނުލެވޭތަން އާދެއެވެ. އެހެންނަމަވެސް ރަގަޅު މުދައްރިސުން އެމީހުންނަށް ހެދޭ މިސްޓޭކުތަކަށް އަމިއްލައަށް ހީހަދައެވެ. އަދި އެމީހުންގެ ލެސަންތައް އެހެދުނު މިސްޓޭކުތަކާއި ގުޅުވައިގެންވެސް ގެންދާކަން ފާހަގަކުރެވެއެވެ. ކިޔަވާދިނުމުގައި މިސްޓޭކު ހެދޭނެކަން ރަނގަޅު މޮޅު މުދައްރިސުން ގަބޫލު ކުރެއެވެ. އަދި އެހެން ހެދޭ މިސްޓޭކުތަކަށް ނުބަލައި ވަރަށް ކޮންފިޑެންސާއެކު ކިޔަވާދިނުމުގެ މަސައްކަތް ކުރިއަށް ގެންދެއެވެ.
2. ކެތްތެރިކަން(Patience.)
ރަނގަޅު މޮޅު މުދައްރިސުން ވިސްނުންކޮށި ކިޔެވުމަށް އުނދަގޫކުދިންނަށް ކެތްތެރިކަމާއެކު އެހީތެރިވެދީ އެކުދިން ރަނގަޅު ދަރަޖައަކަށް ގެންގޮސްދީފައިވާ ވެސް އެބަހުއްޓެވެ. އެހެންނަމަވެސް މިއީ ކެތްތެރިކަން ކުޑަ މުދައްރިސުންނަށް ކުރެވޭ ވަރުގެ ކަމަކަށް ނުވާނެއެވެ. ދަރިވަރުންނަށް ބައެއްފަހަރަށް މުދައްރިސް ކިޔަވާދެއްވާ އެއްޗެހި ނޭނގޭތަން އާދެއެވެ. ރަނގަޅު މުދައްރިސުން ދަރިވަރުންނަށް ވިސްނެންދެން ކިތައްމެ ވަރަކަށް ތަކުރާރު ކުރަންޖެހުނަސް ކިތައްމެ ވަގުތެއް ނެގިއަސް ފިލާވަޅު އޮޅުން ފިލުވާދިނުމުގައި ކެތްތެރިކަމާއެކު ހުރެއެވެ.
(އަދި ނުނިމޭ: ދެންހުރބައިތައް ތަރުޖަމާ ކުރެވެމުންދަނީ)
No comments:
Post a Comment