ޓެކްސް ނެގުމާ ބެހޭ ގޮތުން އިސްލާމީ ފިޤްހު އެކަޑަމީގެ ފަތުވާ ނެރުއްވައިފި

.

މުސްލިމުންގެ މުދަލުން ޓެކްސް ނެގުމުގައި އިސްލާމީ ޝަރީޢަތުގައި މިމައްސަލައާ ގުޅޭގޮތުން ޢިލްމުވެރިންގެ ރައުޔު ހޯދުމަށް އިސްލާމީ ފިޤްހު އެކަޑަމީގެ ލަފައަކަށް އެދި ވަނީ މައްސަލައެއް ހުށަހެޅިފައެވެ.

ޢިލްމުވެރިންގެ މެދުގައި ޚިޔާލުތަފާތުވެފައިވާ މި މައްސަލައާ ގުޅޭގޮތުން ފިޤްހު އެކަޑަމީގެ މެމްބަރުން ދިރާސާކޮށް، މިއަދުގެ އިސްލާމީ ދުނިޔޭގައި ތިއްބެވި ފުންނާބުއުސް ޢާލިމުންގެ ތަފާތު ރައުޔުތަކަށާއި ފަތުވާތަކާމެދު ބަހުޘްކުރެއްވުމަށްފަހު، ބަޔާންކުރެއްވި ގޮތުގައި، ޓެކްސް ނެގުން ހުއްދަވާނީ ވަކި ޝަރުޠުތަކެއްގެ މަތީންނެވެ. މިގޮތުން ޢާއްމު ރައްޔިތުންގެ އަތުން ދައުލަތަށް ޓެކްސް ނެގޭނީ އެބައިމީހުންގެ ޟަރޫރީ ބޭނުންތައް ފުއްދައިދިނުމަށްޓަކައި، ޝަރޫރަތް ނިޔާކުރާ މިންވަރެއްގެ ތެރޭގައެވެ. އެއީ ދައުލަތުގެ ބައިތުލް މާލުގައި ފުދޭމިންވަރަށް ފައިސާނެތި، ޓެކްސް ނަގައިގެން މެނުވީ ޚަރަދުތައް ފޫބެއްދޭނެ އެހެން އެއްވެސް ގޮތެއް ނެތުމުންކަމަށެވެ. އަދި މިފައިސާ އިންވެސްޓް ކުރުމުގައި އިސްލާމްދީން ހުއްދަކުރާ ދާއިރާގެ ތެރޭގައި ޢަދުލުވެރިކަމާއެކު ޚަރަދުކުރުން ހިމެނިގެންވެއެވެ. އެހެންކަމުން، ޓެކްސް ނެގުމާ ބެހޭގޮތުން އިސްލާމީ ފިޤްހު އެކަޑަމީގެ ރައުޔު ހާމަކޮށް 22 މެއި 2013 ގައި ވަނީ އެކަޑަމީގެ ފަތުވާ 3 (ނަންބަރު: IFA/2013/03) ނެރުއްވާފައެވެ    މިލިޔުމަކީ އިސްލާމިކް މިނިސްޓުރީގެ ސައިޓުން ނަގާފައިވާ ލިޔުމެއް .