މާލޭގެ ސުކޫލްތަކުގެ ޓީޗަރުންނަށް އަމާޒުކޮށްގެން ބާއްވާ ސިލްސިލާ ވޯކްޝޮޕްތަކުގެ ތިންވަނަ ވޯކްޝޮޕް 09 އޭޕްރީލް 2011 ވާ ހޮނިހިރު ދުވަހު އިސްލާމީ މަރުކަޒުގައި ޖަލްސާކުރާ މާލަމްގައި ބޭއްވުމަށް ހަމަޖެހިފާވާ ކަމަށް އިސްލާމިކް މިނިސްޓުރީން ހާމަކުރެއެވެ. އިސްލާމިކް މިނނިސްޓްރީގެ ވެބްސައިޓުގައި
ހާމަކޮށްފައިވާ ގޮތުން މިވޯކްޝޮޕްގައި މަޢުލޫމާތު ދެއްވާނީ އައްޝައިޚް ޢަލީ ޒާހިރު ބިން ސަޢީދު ޤާސިމާއި، އައްޝައިޚް ފައްޔާޟް ޢަލީއާއި، އައްޝައިޚް އަޙްމަދު ސަމީރު އިބްރާހީމް އަދި ޑޮކްޓަރ ޢަބްދުއްސައްތާރު ޢަބްދުއްރަޙްމާނެވެ.
ހަމަ އެސައިޓުގައި ހާމަކޮށްފައިވާ ގޮތުންނަމަ މަޢުލޫމާތު ދެއްވުމަށް ހަމަޖެހިފައިވާ މައުޟޫޢުތަކަކީ "ހަރުދަނާ ޢަޤީދާއެއް ބިނާކުރުން." "އިސްލާމްދީނާމެދު ކުރެވޭ ކުށްހީތައް." "ދިރިއުޅުމުގެ މަޤުޞަދު. ޙައްޤުތައް." "ރިވެތި އަޚްލާޤުން ޒީނަތްތެރިވުމާއި، އިސްލާމީ ތަރުބިޔަތު ދިނުން." މިވޯކްޝޮޕް ކުރިއަށްދާނީ ހެނދުނު 8:30 ން ހަވީރު 4:45 ކަށް ކަމަށާއި މިއީ މިގޮތުން މާލޭ ސްކޫލްތަކުގެ ޓީޗަރުންނަށް މިއަހަރު ބާއްވާ ތިންވަނަ ވޯކްޝޮޕް ކަމަށްވެސް އިސްލާމިކް މިނިސްޓުރީގެ ވެބްސައިޓުގައި ފާހަގަކޮށްފައިވެއެވެ.
No comments:
Post a Comment