ދިވެހި ރާއްޖެ އަކީ ދުނިޔެމަތީގެ ސުވަރުގެ ނަމުން މަޝްއޫރު ވެފައިވާ ގައުމެކެވެ. އެގޮތަށް މަޝްއޫރު ވުމުގެ ސަބަބުތަކެއް ވެސް ވާނެކަން ޔަޤީނެވެ. އެގޮތުން އެކަމުގެ މައިގަނޑު ސަބަބަކީ ޤަދީމީ ޒަމާނުންސުރެ ދިވެހި ގައުމަކީ ހިތްހެޔޮކަމާއި އެކުވެރިކަމަށް މަޝްއޫރު ވަފައިވާ ގަޢުމަކަށް ވާތީއެވެ. އެހެންގޮތަކަށް ބުނަނީ ނަމަ ދިވެހިންނަކީ ޚުލްޤު ހެޔޮ ބައެކެވެ.
އެހެންނަމަވެސް އަޅުގަނޑުމެންނަށް އިވެމުންދާ ވާހަކައަކީ ބޮޑުވަމުން އަންނަ ކުދިންނާއި ޒުވާނުންގެ އަޚްލާޤީ ފެންވަރު ދަށްވަމުންދާވާހަކައެވެ. މިއީ އަޅުގަނޑުމެންގެ ހަމަކޮންމެ މީހަކަށްވެސް އިހްސާސްކުރެވޭ ހަމައެހެންމެ އަޅުގަނޑުމެން ކޮންމެ މީހަކުމެ ކަންބޮޑުވާނޭ މައްސަލައެކެވެ.
އަޅުގަނޑުމެންގެ ތެރެއިން ކޮންމެ ހެޔޮވިސްނޭ މީހެއްގެ ޝަކުވާއަކީ، އަދުގެ ޒުވާނުންގެ ގިނަކުދިން މުޖުތަމަޢުގެ އަދަބުތަކަށް ޙުރުމަތްތެރިކޮށް ނުހިތާވާހަކައާއި ސުލޫކީ މިންގަނޑު ހުންނަން ޖެހޭ ގޮތަށް ނުބަހައްޓާވަހަކައެވެ. މައިންބަފައިންނާއި ވެރިންނަށް އަދި މުދައްރިސުންނަށް ކިޔަމަން ނުވާ ވާހަކައެވެ. ކުޑަކުދިންނަށް އޯގާތެރިވުމާއި އުމުރުންދުވަސްވީ މީހުންނަށް އިހްތިރާމް ކުރުމުގެ ސިފަ ނުގެންގުޅޭ ވާހަކައެވެ. ތިމާގެ މީހުންނަށާއި އަވައްޓެރިންނަށް ކަމޭނުހިތާ ވާހަކައާއި މަގުމަތީގެ އަދަބުތަކަށް ޙުރުމަތްތެރިކޮށް ނުހިތާ ވާހަކައެވެ.
އިސްވެދެންނެވުނު ކަންތައްތަކަށް ވުރެ ބޮޑަށް ކަންބޮޑުވާ މައްސަލަތަކުގެ ތެރޭގައި ހުރިހާ ނުބައިކަމެއްގެ އަސްލުކަމުގައިވާ މަސްތުވާތަކެތި ބޭނުންކުރުމާއި މާރާމާރީ ހިންގުމާއި ވައްކަންކުރުން ފަދަ ކަންކަން ހިމެނެއެވެ. ދުނިޔެމަތީގެ ސުވަރުގޭގެ ނަމުން މަޝްއޫރުވެފައިވާ ދިވެހި ރާއްޖެ މިހާރު މިވަނީ އޭގެ އަނެއްކޮޅަށް ޖެހިފައޭ ބުންޏަސް ކުށަކަށް ނުވާނެއެވެ.
ބަދުއަޚުލާޤީ އަމަލު ހިންގުމާއި ޒިނޭކުރުން މިދަނީ އެއްދުވަހުން އަނެއް ދުވަހަށް އިތުރުވަމުންނެވެ. މިކަންވެސް މިވަނީ ޙައްދުފަހަނައަޅާއިގޮސް ހައްދުންމަތީންވެސް އޮބައިލާފައެވެ. ކުޑަކުދިންނާއި ތިމާމެންގެ އަމިއްލަދަރިންނާއި ގާތްތިމާގެ މީހުންނާއިއެކު ބަދުއަހްލާގީ އަމަލުތައް ހިންގުންމިވަނީ އިތުރުވެ އާއްމުވެފައެވެ. މީގެ އިތުރުން ގިނަބަޔަކު އެއްތަންވެ މިފަދަ ފާހިޝް އަމަލުތައްކުރުން މިވަނީ ތަކުރާރުވާން ފަށައިފައެވެ.
ތިރީގައި އެވާ ގުރާފަކީ މޯލްޑިވެސް ޕޮލިސް ސާވިސްއަށް ހުށައެޅިފައިވާ މައްސަލަތަކުގެ ތަފާސް ހިސާބުތަކެވެ. އެގުރާފްގައި ދަނބުކޮށް އެފަންނަނީ 2007 ވަނަ އަހަރު ހުށައެޅުނު މައްސަލަތަކެވެ. އަދި ފެހިކޮށް އެފަންނަނީ 2008 ވަނަ އަހަރު ޕޮލިސް ސާވިސްއަށް ހުށައެޅިފައިވާ މައްސަލަތަކެވެ.
2007 ގައި ހުށައެޅިފައިވާ މައްސަލަތަކާއި އަޅައި ބަލާއިރު 2008 ގައި ހުށައެޅުނު މައްސަލަތަށް 54 އިންސައްތައަށް އިތުރުވެފައި ވެއެވެ.
ޒުވާނުންގެ އަޚްލާޤީ މައްސަލަތަކަށް ހިކުމަތްތެރި ހަރުދަނާ ބަދަހި ފިޔަވަޅުތަކެއް ނޭޅިއްޖެނަމަ، ކުރިއަށް އޮތްދުވަސްތަކަކީ ނާމާން ލޮލުން ފެން ހިކިގެން ނުދާފަދަ ދުވަސްތަކަކަށް ވެގެން ހިނގާދާނެއެވެ. އެހެންގޮތަކަށް ދަންނަވަނީ ނަމަ ރިހޭފައި މައްޗަށް ފޮއިވެޓި ޗިސްޗިސްވެގެން ހިނގާދާނެއެވެ. މިހެން މިދެންނެވީ އަޅުގަނޑުމެންގެ އަޚްންނާއި އުޚުތުންގެ ތެރެއިން ގިނަ އަޚުންނާއި އުޚުތުންގެ އަޚްލާޤީ ފެންވަރު ދަށްވަމުން ދާތަން ފެންނާތީއެވެ.
މަތިން ފެނިގެންދިޔަ ގުރާފަކީ 2007 ކާއި 2008 ގެ ގުރާފެކެވެ. 2009 އަދި 2010 ކަޑަތުކޮށް 2011 އަށް ނަޒަރު ހިންގައިލަމާ ހިނގާށެވެ. ފެނިގެންދާނީ އިސްވެދިޔަ ގުރާފް އުސްވެގެން ދާތަނެވެ. އަތް ނުފޯރާ ހަމައަށެވެ. މިހާރު މިކުޑަކުޑަ ފެހި ގައުމުން މަދުވެގެން ހަފްތާއަކު އެއްފަހަރު "ރަތްލޭ" އޮހޮރިގެން ދިޔަވާހަކަ ނުވަތަ އޮހޮރުވާލި ވާހަކަ ޚަބަރުތަކުގެ ފަލަ ސުރުހީގައި އޮންނާނެވެ. މިއީ މިހާރު އާމުކަމަކަށްވީއެވެ.
އަޅަމެން ހައްދަވާ ބޮޑުކުރައްވާ ރަސްކަލާކޯ! އަޅަމެން މިފަދަ ފާހިޝްއަމަލުތަކުން ރައްކާތެރިކުރައްވާ އަމާން ވެއްޓެއް ލައްވަވާނދެއެވެ. އާމީން!
No comments:
Post a Comment