ލިޔުނީ: އަޙްމަދު ޢާޞިމް
ދުނިޔެއަށް އަންނަމުން މިދާ ތަރައްޤީއާއި ތަހުޛީބާއެކު، ފެހި ޖަޒީރާ ރައްތަކުގެ މައްޗަށް އެކުލެވިފައިވާ މިކުޑަކުޑަ ދިވެހި ރާއްޖެއަށްވެސް ވަނީ، ތަރައްޤީއާއި ތަހުޛީބުގެ ކުލަވަރުތައް އަންނަން ފަށާފައެވެ. ނަމަވެސް ހިތާމައަކީ، އިސްލާމީ ޘަޤާފަތާއި ނުގުޅޭ ބަދަލުތައް ރާއްޖެފަދަ އިސްލާމި ގައުމަކުން އެނގިގެން ނުވަތަ ނޭނގިނަމަވެސް ބަލައިގަނެވުމުވެ.
މިފަދަ ބަދަލުތަކުގެ ތެރޭގައި، ހެދުން ލައިގެން އައުރަ ނިވާނުވެ ހުރުމާއި، ހުޅަގުނގެ މީހުން ހެދުން އަޅައި ބީދައިން ހެދުން އެޅުމާއި، އިސްލާމީ ޘަޤާފަތާއި ނުގުޅޭ ބަދަލުތައް ހިމެނެއެވެ. ހަމަ އެގޮތަށް ހުޅަނގުގެ ގައުމުތައް ފަދައިން ރަލާއި މަސްތުވާތަކެތީގައި ގިނަ އަދަދެއްގެ ޒުވާނުން ޖެހިފައިވާ ކަމަކީ ހިތާމަ ހުރިކަމެކެވެ.
މިފަދަ ބަދަލުތަކުގެ ތެރޭގައި، ހެދުން ލައިގެން އައުރަ ނިވާނުވެ ހުރުމާއި، ހުޅަގުނގެ މީހުން ހެދުން އަޅައި ބީދައިން ހެދުން އެޅުމާއި، އިސްލާމީ ޘަޤާފަތާއި ނުގުޅޭ ބަދަލުތައް ހިމެނެއެވެ. ހަމަ އެގޮތަށް ހުޅަނގުގެ ގައުމުތައް ފަދައިން ރަލާއި މަސްތުވާތަކެތީގައި ގިނަ އަދަދެއްގެ ޒުވާނުން ޖެހިފައިވާ ކަމަކީ ހިތާމަ ހުރިކަމެކެވެ.
މިވަބާގައި ނުޖެހޭ ޢާއިލާއެއް ނެތޭ ދެންނެވުމަކީ ދޮގަކަށް ނުވާނެއެވެ. މިއީ ހިތާމަ ހުރި ކަމެކެވެ. މިވަބާ އަކީ ހުރިހާ ނުބާކަމެއްގެ އަޞްލެވެ. އެހެންކަމުން މިވަބާގެ ސަބަބުން މުޖުތަމަޢުގައި އުފެދިފައިވާ ބިރުވެރިކަން ވަރަށް ބޮޑެވެ. މިކަމުގެ ބިރުވެރިކަމުގެ ސަބަބުން ހަމަނިދި ލިބިފައިވާ ނުވާ ކިތައް ކިތައް ޢާއިލާ އަޅުގަނޑު މެންގެ މިކުޑަކުޑަގައިމުގައި، މިއަދު އެބަތިއްބެވެ. އެހެންކަމުން މިމުޖުތަމަޢު، މިވަބާއިން ސަލާމަތް ކުރެވުމަކީ ކޮންމެ ފަރުދެއްގެ ބޮލުގައި އެޅިފައިވާ ދީނީ އަދި ގައުމީ ވާޖިބެކެވެ.
އިސްލާމްދީނަކީ އެންމެ މާތްދީނެވެ. އިންސާނާގެ ފިޠުރަތާ ޙިލާފު އެއްވެސްކަމެއް އިސްލާމްދީނުގައި ޝަރުޢު ކުރައްވާފައެއް ނުވެއެވެ. އިސްލާމްދީނުގައި އިންސާނުންނަށް މަންފާ ކުރަނިވި އެންމެހައި ކަންތައްތައް ޙަލާލްކުރައްވާ ނުރައްކާ،ގެއްލުން ދެނިވި އެންމެހައި ކަންތައް ތަކާއި ތަކެތި ޙަރާމް ކުރައްވާފައިވާ ވެއެވެ.
މިކަން މިގޮތަށް ހަމަޖައްސާފައިވަނީ އިންސާނުންގެ ހެވާއި ލާބައާއި މަންފާ އަށްޓަކައެވެ. އެ ހުރިހާ ކަމކީވެސް އަޅުގަނޑުމެންނަށް، ﷲ ދެއްވާ ފައިވާ ނިޢުމަތެއްގެ ގޮތުގައެވެ.
ﷲ ހަރާމް ކުރެއްވި ތަކެތީގެ ތެރޭގައި، މަސްތުވާތަކެތިވެސް ވަނީ މާތްވެގެންވާ އެކަލާނގެ ޙަރާމްކުރައްވާފައެވެ. އިސްލާމްދީނުގައި މަސްތުވާތަކެތި ޙަރާމްކުރައްވާފައިވުމުގެ ޙިކުމަތެއް ވާނެކަން ޔަޤީނެވެ. އެކަމުގެ ސަބަބަކީ މަސްތުވާ ތަކެތިން އިންސާނުންނަށް ވަރަށް ބޮޑެތި ގެއްލުން ތަކެއް ލިބޭތީއެވެ. އޭގެތެރޭގައި
1. މަސްތުވާތަކެތި ބޭނުންކުރުމުން އިންސާނާގެ ބުއްދި ފިލައިގޮސް ކުރެވޭ ނުކުރެވޭ ކަމެއް ނޭނގި، މުޖުތަމަޢުގައި، މާރާ މާރީ އާއި ތަޅާފޮޅުން އިތުރުވުން
2. ނަމާދުއެޅުން
3. ވައްކަންކުރުން
4. ޒިނޭކުރުން ފަދަ ނުބައި ފާފަތައް ހިމެނެއެވެ.
އެހެންކަމުން މަސްތުވާތަކެތި ބޭނުންކުރުމަކީ އިންސާނާގެ ޢިއްޒަތާއި ކަރާމާތްތެރިކަން ވެއްޔާ މޮޑެވިގެންދާ ކަމެކެވެ.
މަސްތުވާތަކެއްޗާ މެދު ކީރިތި رسول الله صلّ الله عليه وسلّم حد يث ކުރައްވާފައިވާ ހަދީޘް ފުޅެއްގެ މާނައިގާ ވެއެވެ. "ރަލަކީ ހުރިހައި ފާޙިޝް ކަންތައްތަކުގެ މަންމައެވެ. އަދި އެންމެބޮޑުވެގެންވާ ފާފަތަކުގެ ތެރެއިން ފާފައެކެވެ. ރާބޮއިފިމީހާ ނަމާދު އަޅާފާނެއެވެ. އަދި އެމީހެއްގެ މަންމައާއި ބޮޑުދައިތައާ ނަހަމަގުޅުން ހިންގަފާނެއެވެ."
ގޮތުގެމަތިން މިހާރު މިމުޖުތަމަޢުން ފެންނަމުން މިދަނީ މިހަދީޘް ފުޅުގައި ބަޔާން ކުރައްވާފައިވަ ފަދަ ޢަމަލުތައް ތަކުރާރުވަމުންދާ މަންޒަރުތަކެވެ. އެއްޖިންސުން ގުޅުން ހިންގުމާއި، މާރާމާރީއާއި، ތިމާއާއި ގާތްތިމާގެ މީހުން ނާއި އެކުވެސް ފާޙިޝް ޢަމަލު ތައް ހިންގުމަށް މަސައްކަތް ކުރާ ވާހަކައެވެ. ނުވަތަ ކުރި ވާހަކައެވެ. މިއިން ކޮންމެ ނުބައި ޢަމަލެއްވެސް ގޮސް ފުލުސްޓޮޕް ޖެހެނީ އިސްވެ ދިޔަ ޙަދީޘް ފުޅުގައި ވާބީދައިއިން މަސްތުވާ ތަކެއްޗާއެވެ.
އެހެންކަމުން މަސްތުވާތަކެތީގެ މިނުރައްކާތެރި ވަބާއިން މިމުޖުތަމަޢު ސަލާމަތް ކުރެވޭތޯ ސަރުކާރުގެ ކަމާބެހޭ މުއައްސަސާތަކާއި ކުލަބު ޖަމްޢިއްޔާ ޖަމާޢަތް ތަކުން ނާއި، ޢާއްމު ފަރުދުން ގުޅިގެން މަސައްކަތް ކުރަމާ ހިނގާށެވެ.
އަޅުގަނޑުގެ ދުޢާއަކީ މާތްﷲ އަޅަމެންނަށް ހެޔޮވިސްނުންދެއްވާ މިފަދަ ނުބައި ފާހިޝް ޢަމަލުތަކާއި ފާފަތަކުން އަޅަމެން ސަލާމަތް ކުރައްވާށި!
އާމީން!
No comments:
Post a Comment