އިހަވަންދޫ

-->

ލިޔުނީ؛ އަޙްމަދު އާޞިމް

ދިވެހި ރާއްޖެއަކީ، އިންޑިޔާ ކަނޑުގައި ޤުދުރަތުން ލައްވައިފައިވާ ނަލަ ފެހި، ކުދި ޖަޒީރަށްތަކެއްގެ މައްޗަށް އެކުލެވިފައިވާ ޤައުމެކެވެ. މިޤައުމުގެ ވެރި ރަށްކަމުގައިވާ މާލެއިން ފުރި ނައުގެ މިސްރާބު ހުރީ ސީދާ މުރިނގަށެވެ. ނައު ދުވަމުން ދިޔަވަރަކަށް ރަށްތަކުގެ މަލަމަތި ފެންނަމުން އެރަށްތައް އޮބަމުން ދެއެވެ. މި ނައުގެ މިސްރާބު ހުރިގޮތުން އެދަނީ ސީދާ އުތުރަށް ކަން އެނގެއެވެ.
އެކަމަކު ކޮން ރަށަކަށް ކަމެއް ނޭނގެއެވެ. އެހެންކަމުން، އެނައުން ދަތުރުކުރާ ދަތުރު ވެރިޔަކު، ނައުގެ މިސްރާބު ހުރީ ކޮން ރަށަކާ ދިމާލަށްތޯ މާލިމީގެ ފަރާތުން އޮޅުން ފިލުވިއެވެ. އާދޭހެވެ. ނައުގެ މިސްރާބު ހުރީ ކޮން ރަށަކަށް ކަން މިހާރު އިނގިއްޖެއެވެ.

އާދޭހެވެ! އެއީ އިހަވަންދޫއެވެ. ދިވެހި ރާއްޖޭގެ ޤައުމީ ބަޠަލުގެ މަންމަ އުފަން ރަށެވެ. އަޅުގަނޑު، މިހުރިހާ ހާސަރުތަކެއް މިދެމީ އިހަވަންދޫއާ ބެހޭގޮތުން ކޮންމެވެސް ވަރެއްގެ ތަޞައްވަރެއް ތިޔަ ކިޔުންތެރިންނަށް ދޭންވެގެންނެވެ.

މައިގަނޑު މަސައްކަތެއްގެ ގޮތުގައި މަސްވެރިކަންކުރާ، ހއ. އިހަވަންދޫއަކީ، ރާއްޖޭގެ އެންމެ އުތުރުން މީހުން ދިރިއުޅޭ ހަތްވަނަ ރަށެވެ. އަތޮޅުގެ އެންމެ އާބާދީ ބޮޑެތި ރަށްތަކުގެ ތެރެއިން 3 ވަނައަށް އެންމެ މީހުންގިނަ ރަށެވެ. އާބާދީގައި ގާތްގަނޑަކަށް 3000 ހާ މީހުން ދިރިއުޅޭ އިހަވަންދޫ އަކީވެސް ފަޚުރުވެރި މާޒީއެއް އޮތް ރަށެކެވެ.

އިހަވަންދޫ އެންމެ ބޮޑަށް، ފާހަގަ ކޮށްލެވެނީ ތަޢުލިމީ ރޮނގުންނެވެ. ތަޢުލީމީ ގޮތުން އިހަވަންދޫ އަށް އައިސްފައިވާ ކުރިއެރުން ތަކުގެ ތެރޭގައި،

1.     ދެ ސުޓުރީމުން (ސައިންސާއި ކޮމާސް) އޯލެވެލް އިމްތިހާނު ހެދުމުގެ ފުރުޞަތު ލިބިފައިވުން

2.     ދެސުޓުރީމް އިން (ސައިންސާއި ކޮމާސް) އޭ ލެވެލް އިމްތިހާން ހެދުމުގެ ފުރުޞަތު ލިބިފައިވުން

3.     ސައިންސް ލެބޯޓުރީގެ ޚިދުމަތް ކިޔަވާ ކިދިންނަށް ލިބިފައިވުން

4.     ކޮމްޕިއުޓަރ ލެބެއްގެ ޚިދުމަތް ކިޔަވާ ކުދިންނަށް ލިބިފައިވުން

5.     އެކަށީގެންވާ މިންވަރަށް، ލައިބުރަރީ ގެ ޚިދުމަތް ކިޔަވާކުދިންނަށް ލިބިފައިވުން

6.     އިންޓަރ ނެޓް ހިދުމަތް ލިބެން ހުރުން

ލިބިފައިވާ ކާމިޔާބުތަކުގެ ތެރޭގައި

1.     ހއ. އަތޮޅުން އެންމެ ފުރަތަމަ އޭލެވެލް ހެދުމުގެ ފުރުޞަތު ލިބުން

2.     އޯލެވެލް އަދި އޭލެވެލް އިމްތިހާނުން، އަތޮޅުން އެންމެ ރަނގަޅު ނަތީޖާ ކޮންމެ އަހަރަކުވެސް ލިބެމުން ދިޔުން

3.     އަތޮޅު ފެންވަރުގައި ބާއްވައި މުބާރާތްތަކުގައި، ރަންވަނަތައް ހޯދައިފފައިވުން

4.     އޯލެވެލް އިމްތިހާނު ހަދަންފެށިފަހުން، މިވީ ކުރު މުއްދަތުގެ ތެރޭގައި، އެކަށީގެންވާ އަދަދެއްގެ ކުދިން ގަދަ ދިހައެއްގައި ހިމެނުން

މީގެ އިތުރުން އިހަވަންދޫ މަދަރުސާއަކީ އަތަޅުގެ ނިސްބަތުން، އަޚްލާޤީ ގޮތުންވެސް އެންމެ ރަނގަޅު ސުކޫލުކަމުގައި މީހުން ސިފަކުރެއެވެ.

ރާއްޖެއަށް އަންނަމުން މިދާ ތަރައްޤީ އާއި ތަހްޒީބާއެކު، އިހަވަންދޫއަށް ވެސް ވަނީ ތަރައްޤީގެ ކުލަވަރުތައް އަންނަންފަށާފައެވެ. އެގޮތުން އައިސްފައިވާ ކުރިއެރުން ތަކުގެ ތެރޭގައި،

1.     މިހާރު،އިހަވަންދޫގެ ބަނދަރު ހަލާކުވެފައި ވީނަމަވެސް، މީހުން ލަފާ ފުރުމަށްޓަކައި ބަނދަރެއް ކޮނެފައި އޮތުން

2.     އެކަށީގެންވާ ފެންވަރެއްގެ ޞިއްހީމަރުކަޒެއް ރަށުގައި ޤާއިމު ކުރެވިފައި ހުރުން

3.     24 ގަޑި އިރު ކަރަންޓުގެ ހިދުމަތް ލިބުން

4.     އެކަށީގެންވާ ޚިދުމަތެއް ނުދިނަސް، މަސްވެރިންނަށް ޚިދުމަތް ދިނުމަށް އައިސް ޕުލާންޓެއް ގާއިމު ކޮށްފައި ހުރުން

5.     ތެޔޮފިހާރަތަށް ހުރުން

6.     ދިރާގު ގެ ފިހާރައެއް ހުރުން

7.      ކޯޓަކާއި އޯފީހެއް ގާއިމުކޮށްފައި ހުރުން