އަދި އެއާއެކު އެދެމަފިރިންގެ މައްޗަށް ހައްޤުތަކަކާއި މައްސޫލިޔަތު ތަކެއް ލައްވަވާފައިވެއެވެ.
1. ދެމަފިރިން ބައިވެރިވާ ޙައްޤުތައް
Ø އީމާންތެރިވުން :
ދެމަފިރިންކުރެ ކޮންމެ މީހަކީ އަނެއްމީހާގެ އީމަންތެރިއަކު ކަމުގައި ވާންޖެހޭނެއެވެ. ކިތައްމެބޮޑު ކަމެއްގައިނަމަވެސް ކިތައްމެ ކުޑަކަމެއްގައިނަމަވެސް އެކަކު އަނެކަކަށް ހިޔާނަތްތެރިވުން ޖާއިޒު ވެގެންނުވެއެވެ. މާތްﷲ الأنفال: 27 ވަނަ އާޔަތުގައި ވަޙީކުރައްވާފައިވެއެވެ. "لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ" މާނައީ: " ކަލޭމެން ﷲ އަށާއި ރަސޫލާއަށް ހިޔާނާތްތެރިނުވާށެވެ. އަދިކަލޭމެން ކަލޭމެންގެ އެއްބަޔަކު އަނެއްބަޔަކަށްވެސް ޚިޔާނާތްތެރިނުވާށެވެ." މިއެވެ. ދެމަފިރިންގެ މެދުގައި ނުވަތަ އެއިން އެކެއްގެ ކިބައިގައި ޚިޔާނާތްތެރިކަމެއް ހުރެއްޖެނަމަވެސް ދެމީހުންގެ އޮމާން އަދި ހިތްފަސޭހަ ދިރިއުޅުން މުޅިން ބަރުބާދު ވެދާނެއެވެ.
Ø މުއާމަލާތު ރަނގަޅުކުރުން
ދެމަފިރިންކުރެން ކޮންމެމީހަކުވެސް އެކަކުއަނެކަކެއްގެ ކަންތައްތައް ބަރާބަރަށް އަދާކުމީ އިސްލާމްދީން ލާޒިމުކުރާކަމެކެވެ. އަދި އެއީ ފިރިމީހާ އަބިމީހާއަށް އަދާކޮއަދެން ޖެހޭކަންތައްތައް ރަނގަޅުގޮތުގައި ތިމާގެއަމިއްލަ ކަމެއްގެ ގޮތުގައި ކޮއްދިނުމެއެވެ. އަދި އަނބިމީހާވެސް ފިރިމީހާއަށްޓަކައި ތިމާކުރަންޖެހޭ ކަންތައްތައް ރަނގަޅުގޮތުގައި ތިމާގެ އަމިއްލަ ކަމެއްގެގޮތުގައި ކޮއްދިނުމެއެވެ. މިގޮތުން މާތް ﷲ ވަހީ ކުރައްވާފައިވާ އާޔަތެއްގެ މާނައިގައިވޭއެވެ."ތިމާގެ އަމިއްލަ ނަފުސައްޓަކައި ހުރުމަށް ލޯބިކުރާކޮންމެ ރަނގަޅުކަމެއް ތިމާގެ އަހާ އަށްވެސް ހުރުމަށް ލޯބިކޮއްފުމަށް ދާންދެން ކަލޭމެންކުރެން އެކަކުވެސް އިމާނެއްނުވެއެވެ.އަދި ތިމާގެ އަމިއްލަ ނަފުސަށް ހުރުމަށް ނޭދޭކޮންމެ ނުބައިކަމެއް ތިމާގެ އަހާ އަށްވެސް ނުރުހުމަށް ލޯބިކޮށްފުމަށް ދާންދެން ކަލޭމެން އެކަކުވެސް އީމާނެއްނުވެއެވެ." މިހެން ކަންތައްތައް ހުރީއިރު ކޮންމެ މީހަކުވެސް ތިމާގެ މައްޗަށް ކަޑަޅެފައި ހުރިކަންތައްތައް ރަނގަޅަށްބަލާ ފަރުވާތެރިވުން ހުއްޓެވެ. އިސްވެދިޔަ ކަންތައްތަކުން އެނގޭ ގޮތުގައި ދެމަފިރިންކުރެ ކޮންމެ މީހަކުވެސް އަދާކުރަންޖެހޭ ޙައްޤުތަކެއް ވެއެވެ. އެކަންކަމުގައި ދެމަފިރިންވެސް ޝާމިލް ވާނެއެވެ.
No comments:
Post a Comment